უკრაინის სუვერენულ ტერიტორიებზე რუსეთის თავდასხმა უკვე დაგმო არაერთმა მსოფლიო ლიდერმა. მათი დიდი ნაწილი განცხადებებს სოციალურ ქსელებში აქვეყნებს.
ბრიტანეთის პრემიერ-მინისტრი ბორის ჯონსონი ამბობს, რომ შეძრწუნებულია მოვლენებით და იმით, რომ პრეზიდენტმა პუტინმა სისხლისღვრა აირჩია.
"შეძრწუნებული ვარ უკრაინაში განვითარებული საშინელი მოვლენებით. მე ველაპარაკე პრეზიდენტ ზელენსკის შემდგომი ნაბიჯების განსახილველად. პრეზიდენტმა პუტინმა უკრაინაზე ამ არაპროვოცირებული თავდასხმით სისხლისღვრისა და განადგურების გზა აირჩია. დიდი ბრიტანეთი და ჩვენი მოკავშირეები [მას] გადაჭრით უპასუხებენ", - წერს ჯონსონი.
I am appalled by the horrific events in Ukraine and I have spoken to President Zelenskyy to discuss next steps. President Putin has chosen a path of bloodshed and destruction by launching this unprovoked attack on Ukraine. The UK and our allies will respond decisively.
— Boris Johnson (@BorisJohnson) February 24, 2022
მიმდინარე მოვლენებს გამოეხმაურა კანადის პრემიერ-მინისტრი ჯასტინ ტრუდოც.
"კანადა უმკაცრესად გმობს რუსეთის შემზარავ თავდასხმას უკრაინაზე. ეს არაპროვოცირებული ქმედებები არის უკრაინის სუვერენიტეტისა და ტერიტორიული მთლიანობის აშკარა განგრძობითი დარღვევა. ეს ასევე არღვევს რუსეთის ვალდებულებებს საერთაშორისო სამართლისა და გაეროს ქარტიის წინაშე", - განაცხადა ტრუდომ და მოუწოდა მოსკოვს დაუყოვნებლივ შეწყვიტოს მტრული და პროვოკაციული ქმედებები უკრაინის წინააღმდეგ, გამოიყვანოს საკუთარი ძალები და მასთან დაკავშირებული ჯგუფები ქვეყნიდან და პატივი სცეს უკრიანის სუვერენიტეტს.
Canada condemns – in the strongest possible terms – Russia’s egregious attack on Ukraine. These unprovoked actions are a clear further violation of Ukraine’s sovereignty and territorial integrity, and of Russia’s obligations under international law and the Charter of the UN.
— Justin Trudeau (@JustinTrudeau) February 24, 2022
„მე მტკიცედ ვგმობ რუსეთის სამხედო თავდასხმას უკრაინის წინააღმდეგ. ეს საფრთხე უქმნის მილიონობით უდანაშაულო ადამიანს და ძირს უთხრის საერთაშორისო წესრიგის საფუძვლებს. ეს ახლა დასავლეთზეა დამოკიდებული, რომ შესაბამისად უპასუხოს. ვდგავართ უკრაინის გვერდით! - წერს გიტანას ნაუსედა, ლიეტუვის პრეზიდენტი.
I strongly condemn Russia’s military attack against #Ukraine. It endangers millions of innocent people& undermines the foundations of international order.It is up for the West now to respond appropriately!#StandWithUkraine🇺🇦🇱🇹
— Gitanas Nausėda (@GitanasNauseda) February 24, 2022
„მე ვგმობ სრულმასშტაბიან შეჭრას, რომელიც პრეზიდენტმა პუტინმა წამოიწყო უკრაინის მიმართ. ამას საერთაშორისო საზოგადოებისგან მტკიცე რეაქცია უნდა მოჰყვეს. ნატო დაიცავს საკუთარ თავს და მის ღირებულებებს. ჩვენ ვდგავართ უკრაინის გვერდით", - ასევე "ტვიტერზე" დაწერა ეგილს ლევიტსმა, ლატვიის პრეზიდენტმა.
I condemn the full-scale invasion that President Putin has launched on Ukraine. A firm reaction from the international community must follow. NATO will defend itself and its values. We #StandWithUkraine.
— Egils Levits (@valstsgriba) February 24, 2022
ესტონეთის პრეზიდენტმა ალარ კარისმა კი მხოლოდ რამდენიმე სიტყვა დაწერა "ტვიტერზე": "ბოროტება რეალურია. დიდება უკრაინას!"
Evil is real. #SlavaUkraini
— Alar Karis (@AlarKaris) February 24, 2022
კრემლს ვაზღვევინებთ, ასე გამოეხმაურა რუსეთის პრეზიდენტის სატელევიზიო გამოსვლას შარლ მიშელი, ევროპული საბჭოს პრეზიდენტი.
"ჩვენ მტკიცედ ვგმობთ რუსეთის გაუმართლებელ შეტევას უკრაინაზე. ამ მძიმე საათებში, ჩვენი ფიქრები უკრაინასთან და უდანაშაულო ქალებთან, მამაკაცებთან და ბავშვებთანაა, ვინაიდან ისინი არაპროვოცირებულ თავდასხმასა და საკუთარი სიცოცხლის გამო შიშს უსწორებენ თვალს. ჩვენ კრემლს ვაზღვევინებთ", - წერია მიშელის განცხადებაში.
We strongly condemn Russia´s unjustified attack on #Ukraine.In these dark hours, our thoughts are with Ukraine and the innocent women, men and children as they face this unprovoked attack and fear for their lives.We will hold the Kremlin accountable.
— Charles Michel (@eucopresident) February 24, 2022
ევროკომისიის პრეზიდენტი ურსულა ვონ დერ ლეიენი კი ამბობს, რომ ევროპის ლიდერები მტკიცე და სწრაფ პასუხს გასცემენ რუსეთის ქმედებებს:
"ჩვენ ვგმობთ რუსეთის უპრეცენდენტო სამხედრო აგრესიას უკრაინის წინააღმდეგ. მან [რუსეთმა] სამხედროები უკან უნდა გაიწვიოს და პატივი სცეს უკრაინის ტერიტორიულ მთლიანობას. ევროკავშირის ლიდერები განიხილავენ და სწრაფად მიიღებენ შემდგომ შეზღუდვებს რუსეთისთვის. ევროკავშირი უკრაინის გვერდით დგას", - წერს ევროკომისიის პრეზიდენტი.
We condemn Russia’s unprecedented military aggression against Ukraine. It must withdraw its military and fully respect Ukraine%27s territorial integrity. The EU leaders will discuss and swiftly adopt further restrictive measures against Russia.The EU stands with Ukraine.
— Ursula von der Leyen (@vonderleyen) February 24, 2022
ჩეხეთის საგარეო საქმეთა მინისტრმა რუსულ თავდასხმას "აგრესიის ბარბაროსული აქტი" უწოდა. ხოლო გერმანიის საგარეო საქმეთა მინისტრმა თქვა, რომ მისი ქვეყანა გმობს რუსეთის ქმედებებს და პარტნიორებთან ერთად იმუშავებს საპასუხო ნაბიჯზე.
განცხადებები გააკეთეს ბელგიისა და იტალიის პრემიერ-მინისტრებმაც. ბელგიის პრემიერის, ალექსანდრ დე კროს თქმით, ეს ევროპისთვის მეორე მსოფლიო ომის შემდეგ, ყველაზე მძიმე მომენტია. იტალიის პრემიერმა კი უკრაინაზე რუსეთის თავდასხმას "გაუმართლებელი და უსამართლო" უწოდა.
ასევე ნახეთ: რუსეთი უკრაინას უტევს, პუტინი ნატოსა და ამერიკას აფრთხილებსმოსკოვის დროით, 24 თებერვალს გამთენიისას, ვლადიმირ პუტინმა განაცხადა, რომ დონბასში „სპეციალური სამხედრო ოპერაციების“ გატარება გადაწყვიტა. ორი დღით ადრე, მოსკოვმა უკრაინის რეგიონები, დონეცკი და ლუჰანსკი, ე.წ. „დამოუკიდებელ ქვეყნებად“ გამოაცხადა.
მოსკოვის მიერ, უკრაინის ტერიტორიაზე ხელახალ შეჭრასთან დაკავშირებით, განცხადება უკვე გააკეთა აშშ-ის პრეზიდენტმა. ჯო ბაიდენის თთქმით, ვლადიმირ პუტინმა, „წინასწარ განზრახული ომი აირჩია" და „მსოფლიო რუსეთს პასუხს აგებინებს.
თვეების განმავლობაში, რუსეთს უკრაინის საზღვრებსა და მის ოკუპირებულ ტერიტორიებზე, საბრძოლო ტექნიკა და 100 000-ზე მეტი ჯარისკაცი ჰყავდა მობილიზებული. მოსკოვი დაჟინებით უარყოფდა დასავლელი ლიდერების განცხადებებს იმის შესახებ, რომ კრემლი უკრაინაში განმეორებით შეჭრას გეგმავდა.
მოსკოვმა, უკრაინასა და მის ირგვლივ, სამხედრო ძალების განთავსების შემდეგ, დასავლეთს "უსაფრთხოების გარანტიების" მისაღებად, მოთხოვნები წაუყენა. სხვა მოთხოვნებთან ერთად, კრემლი ვაშინგტონისგან და ნატოსგან ითხოვდა წერილობით დასტურს, რომ უკრაინა და საქართველო, ალიანსის წევრები არასდროს გახდებიან. პასუხად, ვაშინგტონმა და ალიანსმა განაცხადა, რომ ნატოს ღია კარის პოლიტიკა უცვლელი რჩება.