სირიის ოპოზიციის ლიდერი ქაიროში ჩადის

სირიის ახალი გაერთიანებული ოპოზიციის ლიდერი ეგვიპტის დედაქალაქ ქაიროში ჩავიდა, სადაც არაბული ლიგის შტაბბინაში მოლაპარაკებებს გეგმავს. აჰმედ მაათ ალ-ხათიბის მიზანი საერთაშორისო აღიარების მოპოვებაა. ის ზომიერი ისლამის მქადაგებელი სასულიეორო პირია, რომელმაც სირია სამი თვის წინ დატოვა.

მასთან ერთად იმყოფება ყატარის პრემიერ-მინისტრი. სირიის ოპოზიციური ჯგუფების შეკრებას სწორედ ყატარმა უმასპინძლა. ოთხდღიანი შეხვედრის მიზანი, სირიის დანაწევრებული ოპოზიციის გაერთიანება იყო, რომელიც კვირას დასრულდა. ოპოზიციური კოალიციის წევრები აცხადებენ, რომ ისინი სირიის პრეზიდენტ ბაშარ ალ-ასადის მთავრობასთან დიალოგზე არ დათანხმდებიან.