ბმულები ხელმისაწვდომობისთვის

იან კელი: რატომ ვერ ახერხებ საქართველოს მთავრობავ სასამართლოში უსაფრთხოების დაცვას? 


ბოლო რამდენიმე დღის განმავლობაში პატიმრობაში მყოფ მიხეილ სააკაშვილს სასამართლოში საკუთარ პროცესებზე მისვლის საშუალება არ მიეცა. მთავრობა მიზეზად უსაფრთხოების საკითხებს ასახელებს და პატიმრობაში მყოფ საქართველოს მესამე პრეზიდენტს პროცესებზე დისტანციურად მონაწილეობას სთავაზობს.

მთავრობის პოზიცია, როგორც ქვეყანაში და ქვეყნის ფარგლებს გარეთ კითხვებს აჩენს. საქართველოში ამერიკის ყოფილი ელჩი იან კელი ფიქრობს, რომ მთავრობის ქმედებებით სააკაშვილის უფლებები იზღუდება.


„რატომ ვერ ახერხებს საქართველოს ხელისუფლება სასამართლო პროცესზე უსაფრთხოების დაცვას? რატომ არის შეუძლებელი იგივეს გაკეთება სამოქალაქო საავადმყოფოსთან? გასაკვირი არ არის, რატომ ფიქრობს ბევრი ადამიანი, რომ ამის რეალური მიზეზი არის ყოფილი პრეზიდენტისთვის ადამიანის ფუნდამენტური უფლებების შელახვა,“_ წერს ამერიკის ყოფილი ელჩი საქართველოში იან კელი.

საქართველოს მესამე პრეზიდენტი ამ დრომდე შიმშილობს. მიხეილ სააკაშვილი შიმშილობის შეწყვეტას აპირებს, თუ მას სამოქალაქო საავადმყოფოში გადაიყვანენ. ამას მოითხოვს საქართველოს რამდენიმე დეპუტატიც, რომლებიც ასევე შიმშილობენ. უკვე 10 დღეზე მეტია შიმშილობს ელენე ხოშტარიაც, პარტია „დროას“ ლიდერი. ხოშტარია ამ ფორმით ცდილობს ხელისუფლებას სააკაშვილის სამოქალაქო საავადმყოფოში გადაყვანა აიძულოს.

დღეს, ექიმების მიერ გაკეთებული განცხადებებით შეიძლება ითქვას, რომ მოშიმშილე ელენე ხოშტარიას ჯანმრთელობის მდგომარეობა გაუარესდა. ის ამ დროისთვის მხოლოდ წყალს იღებს. საქართველოს მთავრობა მიხეილ სააკაშვილის სამოქალაქო საავადმყოფოში გადაყვანაზე უარს ამბობს, მთავრობა ამ შემთხვევაშიც უსაფრთხოების ნორმებზე მიუთითებს.

Facebook Forum

ამავე თემაზე

XS
SM
MD
LG