ბმულები ხელმისაწვდომობისთვის

კორტნი: "უსამართლობა სააკაშვილს მოულოდნელ სინდისის პატიმრად აქცევს"


უილიამ კორტნი, ამერიკის ყოფილი ელჩი საქართველოში "ტვიტერზე" წერს, რომ საქართველოში განვითარებული პროცესები უსამართლოა და პარალელს ბელარუსთან ავლებს.

„ლუკაშენკოს ბელარუსისგან შეიძლება ველოდოთ ასეთ უსამართლობას, მაგრამ არა საქართველოსგან, რომელიც მისმა ბევრმა მეგობარმა ნახა. უსამართლობა, სააკაშვილს მოულოდნელ „სინდისის პატიმრად“ აქცევს,“- წერს ამერიკელი დიპლომატი.

უილიამ კორტნი საქართველოში ამერიკის ელჩად 1995-97 წლებში მუშაობდა, მანამდე ის ამერიკის ელჩის მისიით ყაზახეთში იყო მივლენილი.

სინდისის პატიმრის წოდებას ამა თუ იმ პირს საერთაშორისო ორგანიზაცია „საერთაშორისო ამნისტია“ ანიჭებს. ბოლოს, ორგანიზაციამ ეს სტატუსი პუტინის მთავარ მეტოქეს ალექსეი ნავალნის მიანიჭა. სინდისის პატიმრის სტატუსის მისაღებად რამდენიმე ძირითადი კრიტერიუმი არსებობს, პირი არ უნდა მონაწილეობდეს ძალადობაში და არ უნდა ჰქონდეს ძალადობის შესახებ მოწოდება გაკეთებული.

ვინ არის პოლიტიკური პატიმარი?
გთხოვთ, დაიცადოთ

No media source currently available

0:00 0:08:10 0:00

ამ დროისთვის „საერთაშორისო ამნისტიას“ მიხეილ სააკაშვილი სინდისის პატიმრად არ გამოუცხადებია, თუმცა ორგანიზაციამ რამდენიმე დღის წინ განცხადება გაავრცელა, სადაც ნათქვამი იყო, რომ მიხეილ სააკაშვილის მიმართ „აშკარა შურისძიებას“ აქვს ადგილი.

Facebook Forum

XS
SM
MD
LG