დავით დვალმა და ჯარჯი აქიმიძემ, რომლებიც „რუსთავი 2“-ის თანადამფუძნებლები იყვნენ, ტელეკომპანიის დასაბრუნებლად ქიბარ ხალვაშთან სასამართლო დავის დაწყების გადაწყვეტილება მიიღეს. ინფორმაციას "რადიო თავისუფლება" ავრცელებს.
ისინი სარჩელს თბილისის საქალაქო სასამართლოში ხვალ, 17 ოქტომბერს, 15:00 საათზე შეიტანენ. დვალის და აქიმიძის ინტერესების დამცველის, იურისტ კახა კოჟორიძის თქმით, სარჩელის მიზანია, თანადამფუძნებლებმა დაიბრუნონ ის, რაც უკანონოდ წაართვეს - „რუსთავი 2“-ის 60%-იანი წილი.
მათი მოპასუხე მხარე ქიბარ ხალვაში იქნება, რომელიც დღევანდელი მოცემულობით, „რუსთავი 2“-ის მესაკუთრეა. მოპასუხე ასევე იქნება პაატა კარსანიძე, რომელმაც 2004 წელს ორი თანადამფუძნებლის, დვალის და აქიმიძის წილი შეიძინა და შემდეგ, ერთ დღეში გაყიდა.
Facebook Forum