ევროპაში კოვიდ ინფიცირებულების მკვეთრ ზრდასთან ერთად, სწრადაფ იზრდება გრიპით დაავადებული ადამიანების რაოდენობაც, რის გამოც სამედიცინო დაწესებულებები გადატვირთულია. ამ პროცესს მეცნიერებმა უკვე შეარქვეს „ტვინდემია“.
სეზონური გრიპით ევროპაში ადამიანების ინფიცირების მაჩვენებლების ზრდა იმაზე მაღალია, ვიდრე ამას ევროპის დაავადებათა კონტროლისა და პრევენციის ცენტრი (ECDC) ელოდებოდა. ოფიციალური მონაცემებით ყოველწლიურად ევროპაში გრიპით 650 000-ზე მეტი ადამიანი იღუპება.
ევროპის სახელმწიფოებმა უკვე რამდენიმე კვირაა პანდემიის გამო წესები გაამკაცრეს და ზოგან ნიღბის ტარება ღია სივრცეებშიც სავალდებულო გახდა. არის ქვეყნები სადაც მოსახლეობას PP2 ტიპის ნიღბების ტარებას ურჩევენ, რომლებიც სამედიცინო ნიღაბზე უკეთ იცავს ადამიანს ომიკრონისგან.
სპეციალისტები ამბობენ, რომ გრიპი ევროპაში გასულ წელს ასეთი მასშტაბით არ გავრცელებულა. მათ მიაჩნიათ, რომ შარშან პანდემიის გამო დაწესებულმა შეზღუდვებმა იმუშავა, წელს კი შეზღუდვები შემსუბუქებულია, რამაც ინფიცირება და ავადობა გაზარდა.
ევროპის დაავადებათა და კონტროლის ეროვნული ცენტრის განცხადებით, შარშან ევროპაში გრიპით ავადობის მხოლოდ ერთეული შემთხვევები ფიქსირდებოდა.
Facebook Forum