დღეს ვაშინგტონში შეერთებული შტატების სახელმწიფო მდივანი ჰილარი კლინტონი ისრაელის და პალესტინის წარმომადგენლებს ცალცალკე შეხვდება, ახლო აღმოსავლეთში სამშვიდობო მოლაპარაკებების განახლების მიზნით.
ქალბატონი კლინტონი პალესტინის პრემიერ-მინისტრს სალემ ფაიადს და მის თანაშემწეს საიბ ერეკატს შეხვდება, შემდეგ კი, ისრაელის თავდაცვის მინისტრს ეჰუდ ბარაქს მიიღებს.
ისრაელ-პალესტინის სამშვიდობო მოლაპარაკებებს კიდევ ერთი საფრთხე დაემუქრა მას შემდეგ, რაც შეერთებულმა შტატებმა ვერ შეძლეს ისრაელის დარწმუნება, შეეჩერებინა პალესტინურ მიწებზე ახალი ებრაული დასახლებების მშენებლობა.