ევროპის საბჭოს პრეზიდენტი მიგრანტებს მოუწოდებს, ნუ გაემართებიან ევროპისკენ, იქნება ეს საბერძნეთი, თუ ნებისმიერი სხვა სახელმწიფო, რადგან ეს ქვეყნები “სატრანზიტო” ფუნქციას აღარ შეასრულებენ. დონალდ ტუსკმა ეს განცხადება დღეს საბერძნეთის პრემიერ-მინისტრ ალექსის ციპრასთან ათენში შეხვედრის შემდეგ გააკეთა.
დონალდ ტუსკი პრობლემის დეტალურად გაცნობისთვის საემიგრაციო კრიზისით მოცულ ევროპის და აზიის ქვეყნებში მოგზაურობს. საბერძნეთის შემდეგ ის თურქეთში, ანკარაში ქვეყნის პრემიერ-მინისტრ აჰმეტ დავუთოღლუს ხვდება. ევროსაბჭოს პრეზიდენტი ევროპის კავშირის სახელმწიფოების და თურქეთის ერთობლივი შეხვედრისთვის ემზადება, რომელიც ამ თემაზე ორშაბათს ბრიუსელში გაიმართება.