შეერთებული შტატების თავდაცვის მდივანი ლოიდ ოსტინი, თავის გუნდთან ერთად, ევროპულ ტურნეში მიემგზავრება. ვიზიტები მომავალი კვირისთვის იგეგმება.
პენტაგონის პრესსპიკერის ჯონ კირბის განცხადებით, ოსტინი ეწვევა საქართველოს, უკრაინას და რუმინეთს. აშშ-ის თავდაცვის მდივანი "ამ მნიშვნელოვან ვიზიტს" ბრიუსელში დაასრულებს, სადაც ის ნატოს თავდაცვის მინისტერიალზე პარტნიორებს შეხვდება.
ინფორმაცია ორიოდ საათის წინ გავრცელდა. ვიზიტის ზუსტი თარიღები მედიისთვის ჯერჯერობით ცნობილი არ არის.
.@PentagonPresSec: @SecDef and his team are preparing for a trip to Europe next week. Stops will include Georgia, Ukraine and Romania, and he will conclude this important visit with allies and partners in Brussels for the @NATO Defense Ministerial. pic.twitter.com/WLuzRTQfm8
— Department of Defense 🇺🇸 (@DeptofDefense) October 12, 2021