უკრაინა მოლაპარაკებისთვის მზად ორი კვირის წინ იყო, მაგრამ არ აპირებს დანებებას ან რაიმე სახის ულტიმატუმების მიღებას, აცხადებს უკრაინის საგარეო საქმეთა მინისტრი დმიტრო კულება.
ასევე ნახეთ: შოლცთან და მაკრონთან საუბრისას პუტინმა ომის დამთავრებისთვის არანაირი მზადყოფნა არ გამოთქვაშაბათს გამართულ ონლაინ შეხვედრაზე კულებამ თქვა, რომ უამრავი სამოქალაქო მშვიდობიანი პირის გადარჩენა იქნებოდა შესაძლებელი იმ შემთხვევაში, თუ უკრაინას უფრო მეტი მოიერიშე თვითმფრინავი ეყოლებოდა იმ სამხედრო კოლონის გასანადგურებლად, რომელიც კიევისკენ მიემართება.
"ჩვენ ბრძოლას გავაგრძელებთ. ჩვენ მოლაპარაკებისთვის მზად ვართ, მაგრამ არ მივიღებთ არანაირ ულტიმატუმებს და არ ჩავბარდებით", თქვა კულებამ. მან დასძინა, რომ რუსეთის მიერ უკრაინისთვის შეთავაზებული პირობები "მიუღებელია".
ქალაქ მარიუპოლზე საუბრისას, მინისტრმა თქვა, რომ ის ალყაშია მოქცეული, მაგრამ ჯერ ისევ უკრაინელების კონტროლს ქვეშაა.
კულებამ ასევე განაცხადა, რომ რუსეთი უკრაინაში იგივე ტაქტიკას იყენებს, როგორიც სირიაში გამოიყენა.