უზბეკი ჟურნალისტი, რომელიც ქვეყნიდან ამერიკის ხმისთვის გადმოსცემდა ინფორმაციას, დღეს ტაშკენტის სასამართლოს წინაშე ცრუ ინფორმაციის გავრცელებისა და მთავრობის შეურაცხყოფის ბრალდებებით წარსდგა.
აბდულ ბობაევმა სასამართლოს ამერიკის ხმისთვის მომზადებული რეპორტაჯების შინაარსის შესახებ მოუთხრო. მისი რეპორტაჟები ეხებოდა არასრულწლოვანთა მუშაობას ბამბის პლანტაციებზე, არალის ზღვის ამოშროის პრობლემას და გასულ წელს გასამართლებულ 2 ჟურნალისტს.
ბობაევმა სასამართლოს პროცესის მიმდინარეობისას საკუთარი მოწმეები მოითხოვა, მაგრამ ამაზე მოსამართლემ უარი თქვა.
თავად ჟურნალისტი ყველა ბრალდებას, მათ შორის საზღვრის უკანონო გადაკვეთას უარყოფს და ქვეყანაში პრესის თავისუფლების არ არსებობაზე საუბრობს.