ყოფილმა პრეზიდენტმა დონალდ ტრამპმა, მისი ოჯახის ბიზნეს-საქმიანობაზე კრიმინალური გამოძიების დაწყების გამო, ნიუ-იორკის მთავარი პროკურორი მკაცრად გააკრიტიკა და ამბობს, რომ მას “თავს უსამართლოდ დაესხნენ და შეუსაბამოდ მოექცნენ.”
ტრამპმა თავის განცხადებაში თქვა: “არაფერია იმაზე უფრო კორუფციული, ვიდრე გამოძიება, რომელიც სასოწარკვეთით ცდილობს დანაშაული მოძებნოს.” პრეზიდენტმა იქვე დაამატა: ჩვენ “სამართლებრივი დევნის ნებისმიერ მცდელობას დავძლევთ”.
ნიუ-იორკის მთავარი პროკურორის, ლატიშა ჯეიმსის ოფისმა განაცხადა, რომ გამოძიება მხოლოდ სამოქალაქო საკითხებით აღარ შემოიფარგლება. პროკურატურა იძიებს, ქალაქ ნიუ-იორკში ბაზირებულმა ტრამპის ორგანიზაციამ ხომ არ გააყალბა აქტივების ღირებულება, რათა სესხები მიეღო და ეკონომიკური და საგადასახადო სარგებელი ენახა.
რესპუბლიკელმა ყოფილმა პრეზიდენტმა გამოძიებას პოლიტიკურად მოტივირებული უწოდა და თქვა: “ნიუ-იორკის მთავარმა პროკურორმა საარჩევნო კამპანიის დაპირებად დონალდ ტრამპის სამართლებრივი დევნა წამოაყენა უკვე მანამდე, სანამ ჩემს შესახებ რამე ეცოდინებოდა”. ლატიშა ჯეიმსი დემოკრატია.
Facebook Forum