ჩინეთმა და რუსეთმა თანამშრომლობის პირობა დადეს. მხარეებმა ურთიერთობების გაღრმავებასა და სირიაში საერთაშორისო ძალების ინტერვენციის წინააღმდეგ ერთობლივი ძალისხმევის შესახებ ისაუბრეს. რუსეთის პრეზიდენტი ვლადიმერ პუტინი ჩინეთში სამშაბათს ჩავიდა, სადაც ის სამი დღე დაჰყოფს. მხარეებმა ასევე განიხილეს ახლო აღმოსავლეთის, ენერგო სექტორში თანამშრომლობის და ვაჭრობის საკითხები. ეს პუტინის პირველი ვიზიტია, მას შემდეგ რაც მან საპრეზიდენტო სკამი დაიბრუნა. რუსეთის პრეზიდენტი უკვე შეხვდა ჩინეთის პრეზიდენტს ჰუ ჯინტაოს. შეხვედრის შემდეგ ერთობლივი პრესკონფერენცია გაიმართა.