16 წლის იაპონელ ბიჭს მალე დაუბრუნდება თავის დაკარგული ბურთი, რომელიც ალასკაზე იპოვეს შარშან მომხდარი გამანადგურებელი ცუნამის შემდეგ. უზარმაზარმა ტალღამ მისაკი მურაკამის სახლი დაუნგრია. ბიჭმა ყველაფერი დაკარგა. ბურთზე, რომელიც ალასკაზე იპოვეს, მისაკის თანაკლასელების ხელმოწერები აღმოაჩინეს. ბურთი სანაპიროზე მცხოვრებმა დევიდ ბექსტერმა იპოვა, ხოლო ავტოგრაფები მისმა იაპონელმა მეუღლემ ამოიცნო, რის შემდეგაც ბურთის პატრონი იაპონელი ბიჭუნა მოძებნა.