ბაღდადში ბომბი აფეთქდა

ერაყში შიიტ მუსლიმთა ყოველწლიური რელიგიური პროცესია რამდენიმე აფეთქებით დასრულდა. ხელისუფლება ცნობას 46 ადამიანის დაღუპვის შესახებ ავრცელებს.

ქვეყნის დედაქალაქ ბაღდადში 4 ბომბი აფეთქდა, რომელმაც 19 ადამიანი იმსხვერპლა. ჩრდილოეთით, ქალაქ ბალადში მანქანებში დამონტაჟებული ნაღმის ამოქმედების შედეგად - 5 და ჰილაში 21 ადამიანი დაიღუპა. აფეთქებები განმეორდა ქალაქებში: ტაჯი, აზიზა და კარბალა. მე-8 საუკუნის იმამის გარდაცვალებისადმი მიძღვნილი შიიტთა პროცესია თავდასხმის სამიზნე არაერთხელ გამხდარა. დღეს მომხდარი აფეთქებები წელს ერაყში ჯერჯერობით ყველაზე დიდი მსხვერპლით გამოირჩევა.