ზოგიერთი კომპანია ევროპის სხვადასხვა აეროპორტში ირანულ თვითმფრინავებს საწვავის შევსებაზე უარს ეუბნება. ეს ქვეყანაზე საერთაშორისო სანქციების შედეგია.
საგარეო საქმეთა მინისტრის სპიკერის, რამინ მეჰმანპარასტის თქმით, დასავლურმა ქვეყნებმა სამწუხაროდ მიუღებელ ზომებს მიმართეს. მისივე თქმით, ირანი ამ კომპანიების მთავრობებს შეზღუდვების მიღმა მოქმედებისკენ მოუწოდებს და სანქციებს არალეგალურს უწოდებს.
ირანი გაეროს მიერ დაწესებული სანქციების მეოთხე რაუნდის ქვეშ არის. მიზეზი ქვეყნის მიერ ბირთვული პროგრამის გაგრძელებაა. თეირანი განაგრძობს იმის გამეორებას, რომ მისი ბირთვული პროგრამა მშვიდობიან მიზნებს ემსახურება.