აშშ მიესალმა ავღანეთისა და პაკისტანის პრეზიდენტების განცხადებას, რომლის მიხედვითაც ორ ქვეყანას შორის 12 ივნისს დადებული სავაჭრო სატრანზიტო ხელშეკრულება სრულად ამოქმედდება. ორშაბათს სახელმწიფო დეპარტამენტმა ამის თაობაზე განაცხადა, რომ ეს ნაბიჯი განვითარების, აღორძინებისა და მშვიდობისკენ გადადგმული მყარი ნაბიჯია. ეს ხელს შეუწყობს აგრეთვე რეგიონში სტაბილურობის დამყარებას. მიღწეული შეთანხმება საგრძნობლად შეამცირებს დანახარჯებსა და სატრანსპორტო შეფერხებებს, ამასთან ეს იქნება ერთგვარი მოდელი სხვა მეზობელი ქვეყნებისთვის, დასძინა სახელმწიფო დეპარტამენტმა.