<!-- IMAGE -->
დღეს ეგვიპტის სასამართლომ ჰესბოლას აგენტები დამნაშავედ სცნო. კაიროს
სასამართლოს განაჩენით, ოცდაექვს ბრალდებულს, რომლებიც ეგვიპტის
ტერიტორიაზე გაბნეულ ტურისტულ ადგილებში და სუეცის არხში გეგმავდნენ
ტერაქტების მოწყობას, სხვადასხვა ვადით თავისუფლების აღკვეთა მიესაჯა.
ბრალდებულთა შორის ეგვიპტელები, პალესტინელები, ლიბანელები და სუდანელები
არიან. ეგვიპტის პოლიციამ ისინი 2009 წელს დააკავა. ჰესბოლას ლიდერმა
აღიარა ის, რომ ერთ-ერთი ბრალდებული სამი ჩეჰაბი მოძრაობის აგენტი იყო და
ეგვიპტიდან ღაზას სექტორში „ჰამასისითვის“ შეჰქონდა იარაღი.