ამერიკელი სამართალდამცველები აცხადებენ, რომ ნიგერიის მოქალაქე, რომელიც 25 დეკემბრეს ამსტერდამ-დეტროიტის რეისის აფეთქებას ცდილობდა, გამოძიებასთან თანამშრომლობს.
გამოძიების ფედერალური ბიუროს დირექტორმა, რობერტ მიულერმა სენატის დაზვერვის კომიტეტთან დაადასტურა, რომ უმარ ფარუქ აბდულმუთალაბი ალ-ყაიდაში საკონტაქტო პირების შესახებ გამოძიებას საჭირო ინფორმაცია მიაწოდა.
ფედერალურმა სასამართლომ დამნაშავეს სისხლის სამართლის კოდექსის 6 მუხლით წაუყენა ბრალი, მათ შორის მასობრივი განადგურების იარაღის გამოყენება და მკვლელობის მცდელობა. აბდულმუთალაბი თავს დამნაშავედ არ ცნობს.