ბატონმა კარზაიმ განაცხადა, რომ მიუხედავად დარღვევებისა, ავღანეთის არჩევნები სამართლიანი და თავისუფალი იყო. არჩევნების წინასწარი შედეგების თანახმად, კარზაის ხმების უმრავლესობა აქვს მოპოვებული, რასაც საზოგადოების ნაწილი მასობრივ გაყალბებას აბრალებს.
საარჩევნო გაყალბების საგამოძიებო ჯგუფის ერთი წევრი ორშაბათს თანამდებობიდან გადადგა. სამსახურიდან წასვლის მიზეზად მან მნიშვნელოვანი გადაწყვეტილებების მიღებაში უცხოელების მიერ ზედმეტი უფლებამოსილების ქონა დაასახელა.