მას შემდეგ რაც ბარაქ ობამა შეერთებული შტატების პირველი აფროამერიკელი პრეზიდენტი გახდა თეთრი სახლის წინ უამრავი მისი მხარდამჭერი შეიკრიბა.
ობამას მომხრეები თავისი რჩეულის გამარჯვებას ზეიმობდნენ:“ ეს იმის მაჩვენებელია, თუ რამხელა მნიშვნელობა აქვს თითოეული ჩვენთაგანის ხმას.“ ობამას გამარჯვება განსაკუთრებით გაუხარდათ შავკანიან ამერიკელებს:“ ეს ისტორიული მოვლენაა. როდესაც ობამას გამრჯვების შესახებ შევიტყვე თვალზე ცრემლი მომადგა“. ამბობს ერთ-ერთი მათგანი.
თეთრი სახლის წინ შეკრებილთა შორის ახალგაზრდები ჭარბობდნენ, თუმცა შუახნის ხალხიც ბლომად იყო, რომლებიც აქ ოჯახებთან ერთად მოვიდნენ, ვაშინგტონელები სასიკეთო ცვლილებების მოლოდინში ზეიმობდნენ ბარაქ ობამას გამარჯვებას.