რუსეთის გენერალური შტაბის უფროსის იური ბალუევსკის განცხადებით მოსკოვი სამხედრო ძალას გამოიყენებს საქართველოსა და უკრაინის წინააღმდეგ, თუ ეს ქვეყნები ნატოში გაწევრიანდებიან. როგორც ცნობილია ჩრდილო ატლანტიკური ალიანსის შეხვედრაზე ბუქარესტში ნატომ მხარი დაუჭირა მომავალში საქართველოსა და უკრაინის ამ ორგანიზაციაში გაწევრიანებას. რუსეთი კი საკუთარი საზღვრების უშიშროების უზრუნველყოფის საბაბით ნატოს გაფართოების წინააღმდეგ გამოდის.