დღეს საღამოს პრეზიდენტი ბუში შეერთებული შტატების კონგრესისა და მთელი ერის წინაშე ყოველწლიური შემაჯამებელი სიტყვით გამოდის. ვინაიდან ეს მისი პრეზიდენტობის ბოლო შემაჯამებელი გამოსვლაა, პრეზიდენტის აპარატის წევრები ამბობენ, რომ იგი აქცენტს გასულ წელზე ნაკლებად გააკეთებს, არამედ მომავალზე ისაუბრებს.
მოელიან, რომ პრეზიდენტი კონგრესს ამერიკის ეკონომიკის წელში გასამართავად და რეცესიის თავიდან ასაცილებლად გამიზნული ეკონომიკური სტიმულის პაკეტის დაუყონებლივ მიღებისკენ მოუწოდებს. რაც შეეხება ეროვნულ უშიშროებას, მოელიან, რომ პრეზიდენტი კონგრესს წინააღმდეგობრივი მიყურადების პროგრამის მიღებასაც მოთხოვს.