ბმულები ხელმისაწვდომობისთვის

ევროპარლამენტმა "სახაროვის პრემიით" უკრაინელი ხალხი დააჯილდოვა


ევროკავშირის პარლამენტი "სახაროვის პრემიას" უკრაინელ ხალხს გადასცემს, 14 დეკემბერი, 2022 წელი, სტრასბურგი.

2022 წლის ევროპარლამენტის სახაროვის სახელობის პრემია უკრაინელ ხალხს გადაეცა. ცერემონია 14 დეკემბერს გაიმართა სტრასბურგში.

ევროპარლამენტის განცხადებაში ნათქვამია, რომ ამა წლის თებერვალში დაწყებული რუსეთის არაპროვოცირებული აგრესიული ომი უზარმაზარ ფასს უსვამს უკრაინელ ხალხს, რომლებიც იბრძვიან საკუთარი კარმიდამოს, დამოუკიდებლობის, სუვერენიტეტისა და ტერიტორიული მთლიანობის დასაცავად.

ჯილდოს წარდგენისას ევროპარლამენტის პრეზიდენტმა მეცოლამ უკრაინელი ხალხის თავდადება და სიმტკიცე ქებით მოიხსენია, აღნიშნა რა, რომ ევროპა მათ გვერდით დგას და უკან არ დაიხევს. უკრაინის პრეზიდენტმა კი რომელიც ღონისძიებაზე ვიდეო ლინკით ჩაერთო, აღნიშნა, რომ ახლა მოქმედების დროა და ომის დასრულების ლოდინის

ნაცვლად, რუსეთის დანაშაულების გამოაშკარავება უნდა მოხდეს და იმის არდაშვება, რომ აგრესია განმეორდება.

2021 წელს სახაროვის სახელობის პრემია რუს ოპოზიციონერს ალექსეი ნავალნის გადაეცა.

XS
SM
MD
LG