ბმულები ხელმისაწვდომობისთვის

ჰარვი უაინსტინი დამნაშავედ ცნეს


ჰარვი უაინსტინი
ჰარვი უაინსტინი

წარსულში ჰოლივუდის ერთ-ერთი ყველაზე გავლენიანი ფიგურა კინოპროდიუსერი ჰარვი უაინსტინი ნიუ-იორკის სასამართლომ დღეს დამნაშავედ ცნო. მას რამდენიმე სხვადასხვა ბრალდება ჰქონდა წაყენებული, რომელთა შორის სექსუალური ძალადობა და გაუპატიურება დაუმტკიცდა. თუმცა, ერთ-ერთი ყველაზე მძიმე ბრალდება, რომელიც სამუდამო პატიმრობას ითვალისწინებდა, მოეხსნა. უაინსტინი ნიუ-იორკის პოლიციამ 1018 წლის 25 მაისს დააკავა.

ნაფიც მსაჯულთა სასამართლო 7 კაცის და 5 ქალისგან შედგებოდა. 67 წლის უაინსტინი თავს დამნაშავედ არცერთ ბრალდებაში არ ცნობდა. მის წინააღმდეგ კიდევ რამდენიმე საქმეა აღძრული. სამართალდამცავები კინომაგნატის დანაშაულებრივ ბრალდებებს იძიებენ ლონდონშიც და ლოს-ანჯელესშიც.

დაახლოებით ორი წლის წინ, ჰოლივუდში გახმაურებულმა ძალადობის ათეულობით ფაქტმა საფუძველი ჩაუყარა მოძრაობას "მეც" (#metoo). მოძრაობამ ჯერ შეერთებული შტატები მოიცვა, შემდეგ კი, ძალიან მალე, საერთაშორისო მასშტაბები მიიღო და მან ქალები შთააგონა საჯაროდ ესაუბრათ სექსუალური ხასიათის შევიწროვებაზე გავლენიან პოზიციებზე მყოფი მამაკაცების მხრიდან.

Facebook Forum

XS
SM
MD
LG