სირიის უფლებადაცმცველების განცხადებით, ბაშარ ალ ასადის მხარდამჭერმა ძალებმა კიდევ უფრო ინტენსიურად შეუტიეს ოპოზიციონერთა საყრდენ ქალაქ ჰომს. ამასობაში გაეროს დიპლომატიურმა კორპუსმა გენერალური ასამბლეის რეზოლუციის გეგმა შეიმუშავა, რომელიც სირიაში ასადის მთავრობის მხრიდან ადამიანის უფლებების უხეშ დარღვევებს გმობს.
აქტივისტების განცხადებით, სამშაბათს ჰომსზე საარტილერიო თავდასხმა განხორციელდა, რომელსაც 6 ადამიანის სიცოცხლე შეეწირა. მას შემდეგ რაც ჰომსში შეტაკებები დაიწყო, ეს ყველაზე ინტენსიური თავდასხმა გახლდათ.
