გერმანიის კანცლერმა ანგელა მერკელმა სერბეთის პრეზიდენტს ბორის ტადიჩს განუცხადა, რომ ევროკავშირში სერბეთის გაწევრიანება კოსოვოს კონფლიქტის მოგვარებაზეა დამოკიდებული.
ბელგრადში ერთდღიანი ვიზიტით იმყოფმა გერმანიის კანცლერმა განაცხადა რომ სერბეთის ადგილი ევროპაშია, მაგრამ ამისთვის კოსოვოსთან დიალოგი უნდა განახლდეს.
ბორის ტადიჩის განცხადებით ევროკავშირმა სერბეთს კოსოვოსთან დაკავშირებით ულტიმატუმების ენაზე არ უნდა ელაპარაკოს. სერბეთის პრეზიდენტის აზრით აქ კომპრომისი უნდა გამოინახოს, რომელიც კოსოვოში მცხოვრები ალბანელების და სერბების ინტერესებს დააკმაყოფილებს.
