აშშ-ის სახელმწიფო მდივანმა, ჰილარი კლინტონმა, შეშფოთება გამოთქვა რუსეთის მიერ სირიაში საბრძოლო ვერტმფრენების გაგზავნის შესახებ მიღებული ცნობების გამო. მანვე დასძინა, რომ "მტკნარ სიცრუეს" წარმოადგენს რუსეთის მიერ იმის მტკიცება, რომ სირიაში გაგზავნილი შეიარაღება არანაირ კავშირში არაა ქვეყანაში არსებულ კონფლიქტთან. როგორც კლინტონმა აღნიშნა, აშშ-ი არაერთხელ დაუპირისპირდა რუსეთს, ასადის ხელისუფლების შეიარაღების გამო.
