ბმულები ხელმისაწვდომობისთვის

პოლონეთი გერმანულ "პატრიოტის" რაკეტებს უკრაინის საზღვრის სიახლოვეს განალაგებს


კვირას, გერმანიის თავდაცვის მინისტრმა ქრისტინ ლამბრეხტმა მედიას უთხრა, რომ გასულ კვირაში პოლონეთის ტერიტორიაზე შემთხვევითი რაკეტის ჩამოვარდნის შემდეგ, საჰაერო სივრცის დაცვაში დასახმარებლად, გერმანიამ ვარშავას ამერიკული წარმოების „პატრიოტის“ ტიპის სარაკეტო სისტემა შესთავაზა.

გერმანიის მთავრობამ უკვე განაცხადა, რომ ინციდენტის შემდეგ, რომელმაც თავდაპირველად გააჩინა შიში, რომ უკრაინაში მიმდინარე ომი ქვეყნის საზღვრებს გასცდებოდა, თავის მეზობელს საჰაერო სივრცის პატრულირებაში დასახმარებლად გერმანულ ავიაგამანადგურებლებს (Eurofighter) შესთავაზებდა.

ნატოს გენერალურმა მდივანმა იენს სტოლტენბერგმა თქვა, რომ რაკეტა, რომელიც პოლონეთის ტერიტორიაზე ჩამოვარდა და ორი ადამიანი მოკლა, სავარაუდოდ უკრაინის საჰაერო თავდაცვის მიერ იყო გაშვებული და არ იყო რუსეთის თავდასხმა.

პოლონეთის თავდაცვის მინისტრმა განაცხადა, რომ გერმანიის მხრიდან შეთავაზების მიღების შემდეგ, პოლონეთი დამატებით „პატრიოტის“ რაკეტებს უკრაინის საზღვრის სიახლოვეს განალაგებს.

სახმელეთო ბაზირების საჰაერო თავდაცვის ამერიკული „პატრიოტი“, რაკეტების გზაგადამჭრელი სისტემაა.

XS
SM
MD
LG