ბმულები ხელმისაწვდომობისთვის

"ფაიზერი" ე.წ. ბუსტერის დამტკიცებასთან ახლოსაა, "მოდერნა" ცოტა ჩამორჩება


ექიმი ენტონი ფაუჩი, თეთრი სახლის უფროსი მრჩეველი მედიცინის საკითხებში

შეერთებულ შტატებში "ფაიზერ-ბიონტექის" კოვიდ-19-ის ვაქცინის გამაძლიერებელ დოზას, დიდი ალბათობით, მალე დაამტკიცებენ. "მოდერნა" კი აშშ-ის სურსათის და მედიკამენტების ადმინისტრაციისთვის (FDA) ე.წ. ბუსტერის დოზის მონაცემების წარდგენის საქმეში "ფაიზერს" რამდენადმე ჩამორჩება და მათი ვაქცინის დამტკიცება სავარაუდოდ, უფრო გვიან მოხდება.

აღნიშნული განცხადება კვირას ქვეყნის წამყვანმა ინფექციონისტმა, ექიმმა ენტონი ფაუჩიმ გააკეთა. ის თეთრი სახლის უფროსი მრჩეველია მედიცინის მიმართულებით და 37 წელია ხელმძღვანელობს "აშშ-ის ალერგიების და ინფექციურ დაავადებათა ეროვნულ ინსტიტუტს".

ფარმაცევტულ კომპანიებს კომენტარი ფაუჩის განცხადებასთან დაკავშირებით ჯერ არ გაუკეთებიათ. თეთრ სახლს ე.წ. ბუსტერების დამტკიცება 20 სექტემბრისთვის სურს და ამის შესახებ განცხადება პრეზიდენტმა აგვისტოში გააკეთა. თუმცა, გასულ კვირას გავრცელებული ინფორმაციით, ჯანდაცვის სპეციალისტებმა პრეზიდენტ ჯო ბაიდენს ამცნეს, რომ ამ ეტაპზე მიღებული მონაცემები აღნიშნული გადაწყვეტილების მისაღებად საკმარისი არ არის.

ამერიკაში ვაქცინის დამატებით, გამაძლიერებელ დოზას სუსტი იმუნიტეტის მქონე მოსახლეობას უკვე სთავაზობენ. ფარმაცევტული კომპანიები ასევე მუშაობენ განსხვავებული ბუსტერების დამტკიცებაზე, რომლებიც კორონავირუსის კონკრეტულ ვარიანტებზეა მორგებული. "როცა ამერიკის საზოგადოებას ინტერვენციის მიღების უფლებას აძლევ, მის უსაფრთხოებაში აბსოლუტურად დარწმუნებული უნდა იყო" - ამბობს ექიმი ფაუჩი.

Facebook Forum

XS
SM
MD
LG