ჩრდილოეთ კოსოვოში ეთნიკურმა სერბებმა ხმის მიცემის პროცესი დაიწყეს. რეფერენდუმზე უნდა გაირკვეს აღიარებენ თუ არა ისინი პრიშტინას მთავრობას, რომელიც ეთნიკური ალბანელებითაა დაკომპლექტებული. მას შემდეგ რაც 2008 წელს კოსოვოს დამოუკიდებლობა აღიარეს სერბები არ ცნობდნენ ამ მთავრობას.
ორდღიანი საარჩევნო პროცესის დროს 35 000 ამომრჩეველი თავის აზრს დააფიქსირებს, და სავარაუდოდ პრიშტანას მთავრობას არ აღიარებს. შედეგები კი მხოლოდ მომავალ კვირას გახდება ცნობილი.