ისრაელელი ოფიციალური პირები თურქეთში ჩავიდნენ

ისრაელის მაღალი რანგის ოფიციალური პირები თურქეთში იმყოფებიან რათა 2010 წელს თურქულ ფლოტილაზე განხორციელებული რეიდის კომპენსაციის საკითხები განიხილონ.

ღაზის სექტორში მცურავ ფლოტილიას ბორტზე ისრაელელმა კომანდოსებმა ცხრა თურქი აქტივისტი მოკლეს. ფლოტილია ღაზაში ისრაელის ბლოკადის მიუხედავად აპირებდა შესვლას. ისრაელის მხარემ ფლოტილიაზე ჰამასისთვის გადასაცემი იარაღის არსებობა ივარაუდა.

დღევანდელი შეხვედრა ანკარაში თურქეთსა და ისრაელს შორის დიპლომატიური ურთიერთობების გაუმჯობესების მცდელობის ნაწილია. ორ ქვეყანას შორის ურთიერთობები აღნიშნული ინციდენტის შემდეგ დაიძაბა.