ბმულები ხელმისაწვდომობისთვის

ვაშინგტონში საგანგებო მდგომარეობა 15 დღე გაგრძელდება


ვაშინგტონის პოლიცია კონგრესის აივანზე. 6 იანვარი, 2020
ვაშინგტონის პოლიცია კონგრესის აივანზე. 6 იანვარი, 2020

შეერთებული შტატების დედაქალაქში, საგანგებო ვითარება დამატებით 14 დღით გაგრძელდება და 20 იანვარს დანიშნულ, საზეიმო ინაუგურაციის ცერემონიასაც შეეხება. გადაწყვეტილება ვაშინგტონის მერმა მურიელ ბაუზერმა 6 იანვარს განვითარებული დრამატული მოვლენების შემდეგ, მალევე მიიღო.

"საპროტესტო აქცია ძალადობრივი გახდა. დედაქალაქში ბევრი პირი შეიარაღებული და ძალადობაში და არეულობაში ჩართვის მიზნით გამოვიდა" - ნათქვამია ვაშინგტონის მერიის ვებგვერდზე გამოქვეყნებულ განცხადებაში, რომელიც გუშინ განვითარებულ მოვლენებს დეტალურად აღწერს. ამასთან, მერიის თქმით, დემონსტრანტთა დესტრუქციული ქმედებები გრძელდება და "არსებობს საფრთხე, რომ ეს დედაქალაქის ფარგლებს გაცდება".

შესაბამისად, ვაშინგტონის მერმა მიიღო გადაწყვეტილება, რომ 6 იანვარს გამოცხადებული საგანგებო ვითარება კიდევ 14 დღით გახანგრძლივდეს. ჯამში, 6 იანვრის ჩათვლით, ვაშინგტონში საგანგებო ვითარებით გათვალისწინებული რეგულაციები 15 დღის მანძილზე იმოქმედებს.

Facebook Forum

XS
SM
MD
LG