ჰილარი კლინტონი ავღანეთში ჩავიდა

შეერთებული შტატების სახელმწიფო მდივანი ჰილარი კლინტონი ავღანეთში დაუგეგმავი ვიზიტით ჩავიდა.

შაბათს ქალბატონი კლინტონის თვითმფრინავი ქაბულის აეროპორტში გზად დაეშვა, ვიდრე იაპონიაში კვირას დაგეგმილ ავღანეთის დონორთა კონფერენციაზე ჩაფრინდებოდა.

ჰილარი კლინტონი ავღანეთის პრეზიდენტს ჰამიდ კარზაის პრეზიდენტის სასახლეში შეხვდება და ქაბულში შეერთებული შტატების საელჩოს წარმომადგენელებს გაესაუბრება.