პაკისტანში აფეთქება მოხდა

პაკისტანის ოფიციალური პირების განცხადებით, ტომის ერთ-ერთი ბელადის სახლის აფეთქების შედეგად სულ ცოტა ცხრა ადამიანი დაიღუპა, მათ შორის, სამი ბავშვი.

პოლიციის განცხადებით, აფეთქების შედეგად დაშავებულია რამდენიმე ადამიანი. ბომბი, სავარაუდოდ, ტირას დაბლობის ერთ-ერთი სოფლის თავკაცის სახლის შესასვლელში აფეთქდა. თავდასხმაზე პასუხისმგებლობა ჯერ არც-ერთ ორგანიზაციას აუღია საკუთარ თავზე.

ტირას დაბლობი ავღანეთში მყოფი ნატოს ძალებისთვის სამხედრო მარაგის მისატანად ერთ-ერთი მნიშვნელოვანი მაგისტრალია.