შეერთებულ შტატებში რესპუბლიკელების საპრეზიდენტო საარჩევნო მარათონი გრძელდება. პრეზიდენტობის კანდიდატმა რიკ სანტორუმმა გუშინ კანზასის შტატში ჩატარებული რესპუბლიკური პარტიის კოკუსი დამაჯერებლად მოიგო. რაც შეეხება პარტიის ფავორიტ მიტ რომნის, მან ვაიომინგის შტატში მოიპოვა გამარჯვება. ასევე, მასაჩუსეტის ყოფილმა გუბერნატორმა წარმატებას მიაღწია გუამის კუნძულზე, ჩრდილოეთ მარიანას და ამერიკის ვირჯინიის კუნძულებზე.
