აშშ-ს პრეზიდენტმა ბარაკ ობამამ სეულში ჩინეთის, სამხრეთ კორეისა და გერმანიის ლიდერებს ხვდება. შეხვედრის მთავარი თემა ვაჭრობა და სავალუტო პრობლემებია. სეულში დღეს იხსნება G-20-ის სახელით ცნობილი ჯგუფის უმაღლესი დონის შეხვედრა. განსახილველ საკითხთა შორის პრიორიტეტულია სავაჭრო ბალანსი და სავალუტო გაცვლითი კურსი. უმაღლესი დონის შეხვედრის თაობაზე ისაუბრა სამხრეთ კორეის პრეზიდენტმა ლი მიუნგ ბაკმა. მან აღიარა ის, რომ საკმაოდ რთული იქნება შეთანხმების მიღწევა ამ საკითხებზე.