ჩრდილო-ატლანტიკური ალიანსის განცხადებით, დღეს ბომბის აფეთქების შედეგად ავღანეთის სამხრეთში ერთი ჯარისკაცი დაიღუპა.
შაბათს ნატოს კიდევ ორი ჯარისკაცი მოკლეს ავღანეთის სხვადასხვა რაიონში მომხდარი შეტაკებების დროს.
ნატო არ ახმოვანებს დაღუპული ჯარისკაცების წარმომავლობას, მაგრამ შვედეთის თავდაცვის სამინისტრომ განაცხადა რომ ავღანეთის ჩრდილოეთში ნაღმზე აფეთქების შედეგად, ამ ქვეყნის ერთი ჯარისკაცი დაიღუპა და ორი დაიჭრა.
მიუხედავად ამისა, ნატო მხარს უჭერს ჰამიდ კარზაის მცდელობას თალიბებთან მოლაპარაკებების დაწყების შესახებ.