ავღანეთის დედაქალაქში ჩატარებული საერთაშორისო კონფერენციის მონაწილეებმა პრეზიდენტ ჰამიდ კარზაის მიერ შეთავაზებული გეგმა დაამტკიცეს. როგორც კარზაიმ განაცხადა:
„მე დარწმუნებული ვარ იმაში, რომ 2014 წლისთვის ავღანეთის ეროვნული უშიშროების ძალები სრულ პასუხისმგებლობას აიღებენ ქვეყანაში სამხედრო და სამართალდამცავი ოპერაციების ჩასატარებლად.“
კონფერენციას 60-ზე მეტი ქვეყნის წარმომადგენელი დაესწრო. მათ ასევე მოიწონეს პრეზიდენტ კარზაის მოთხოვნა, რომ ავღანეთისთვის მიცემული დახმარების სულ მცირე 50 პროცენტი ქვეყნის სახელმწიფო სტრუქტურების გავლით განაწილდეს.