ნატოს სამხედროებმა გაანთავისუფლეს ორი ავღანელი ჟურნალისტი, რომელბსაც თალიბებთან თანამშრომლობაში ადანაშაულებდნენ.
ავღანელი ჟურნალისტები მუჰამედ ნადერი და რაჰმატულა ნეკზადი საკუთარ სახლებში აიყვანეს. ისინი კატარში მდებარე არაბული ტელეკომპანია ალ-ჯაზირას თანამშრომლები არიან. ერთ-ერთი მათგანი ასევე წარმატებით მუშაობდა AP-ს სააგენტოსთან.
ჩრდილოატლანტიკური ალიანსი ჟურნალისტებს თალიბანის პოპულარიზაციაში ადანაშაულებდა, თუმცა პრეზიდენტ ჰამიდ კარზაის პროტესტის შემდეგ იძულებული გახდნენ ისინი გაენთავისუფლებინათ.
თავის მხრივ ტელეკომპანია ალ-ჯაზირა აცხადებს რომ ნატო უკმაყოფილოა ავღანეთის ომის გაშუქებით და ამგვარი მეთოდებით ცდილობს საკუთარი პოლიტიკის გამართლებას.