ამ თემაზე ამერიკის ხმას ინტერვიუ ივანე ჯავახიშვილის სახელობის თსუ-ის პროფესორმა, ეკონომისტმა მაია მარგველაშვილმა მისცსა. მისი აზრით დღესდღეობით საქართველოში ტურიზმის განვითარება ასე თუ ისე შეფერხებულია იმ გეოპოლიტიკური, ეკონომიკური და პოლიტიკური ვითარების გამო, რომელიც ქვეყანაში არსებობს. მანვე აღნიშნა, რომ მიუხედავად ამისა, სწორედ ახლა არის ის დრო, როდესაც უნდა მომზადდეს ფონი იმისთვის, რომ ტურიზმის საბაზო პირობები იყოს მზად, იმ დროისათვის როდესაც ყველაფერი მოწესრიგდება. ქალბატონმა მაიამ ხაზი გაუსვა იმას, რომ ტურიზმი ეკონომიკის იმ დარგს მიეკუთვნება, რომელიც ძალიან სწრაფად აღდგენადია, ანუ ტურიზმი ეკონომიკის იმ დარგს მიეკუთვნება, რომელსაც გარემოებიდან გამომდინარე მეორე დღიდანვე ძალუძს აქტივობა.