პოლიცია სკოლაში

თემა, რომელიც ახალგაზრდებს, კერძოდ კი მოზარდებს, სკოლის მოწაფეებს ეხება. შინაგან საქმეთა სამინისტრო, განათლების სამინისტრო და რამდენიმე არასამთავრობო ორგანიზაცია ერთად ახორციელებენ პროექტს, რომელსაც ქვია "პოლიცია სკოლაში". ეს პროგრამა მიმართულია ბავშვების უსაფრთხოებისათვის, სამოქალაქო ცნობიერების ამაღლებისათვის და დანაშაულის პრევენციისათვის. რას ნიშნავს და კოკნკრეტულად რაში მდგომაროებს ეს პროგრამა. ამის შესახებ შინაგან საქმეთა მინისტრის პირველი მოადგილე ეკა ზღულაძე მოგვახსენებს.

-მე ძალიან მიხარია რომ თქვენ დაინტერესდით ამ თემით, რადგან ეს ერთ-ერთი ის მიმართულებაა, რომელსაც პოლიცია მარტო ვერ გააკეთებს. არასრულწლოვნებთან, განსაკუთრებით ანტი-სოციალურ მოზარდებთან მუშაობას დიდი ძალისხმევა სჭირდება, საგანმანათებლო სექტორის, პირველ რიგში მასწავლებლების, მშობლების და ჩვენ უკვე დამხმარე რგოლი ვართ ფსიქოლოგებთან და სოც-მუშაკებთან ერთად, რომელიც ბუნებრივია ჯანდაცვის სამინისტროს კომპეტენციაა. რაც შეეხება კონკრეტულ პროექტებს, ის რაც თქვენ გაინტერესებთ არის რამდენიმე მსხვილი პროექტი, რომლებიც ამჟამად მიმდინარეობს. პირველი, ყველაზე მნიშვნელოვანი ჩემი აზრით და ცალსახად წარმატებული პროექტი არის "PH International" -ის მიერ დაფინანსებული პროექტი, რომელსაც ერთობლივად ახორციელებს განათლების სამინისტრო და შსს. ამ პროექტის ფარგლებში არასამთოვრობო ორგანიზაციების მონაწილეობით შედგა სპეციალური სახელმძღვანელო, რომელსაც ეწოდება სამართლებრივი კულტურა. ეს სახელმძღვანელო ჯერჯერობით ისწავლება საპილოტე სკოლებში, წელს უკვე საქართველოს მასშტაბით საპილოტე სკოლების რაოდენობამ შეადგინა 40. მე-9 კლასელი მოზარდებისთვის არის განსაზღვრული და ამ საგანს ინოვაციურად ასწავლიან მასწავლებლები და პოლიციელები ერთად, ანუ საგანს ჰყავს ორი ხელმძღვანელი სასწავლო პროცესის განმავლობაში.ამ საგანში არის რამოდენიმე პრიორიტეტული თემა, რომელიც ერთად შევიმუშავეთ. ესენია: მოსწავლის ურთიერთობა კანონთან, არასრულწლოვანი და კანონი ცალკე ანუ სანქციები, რომელიც კონკრეტულად არასრულწლოვნებს შეიძლება ეხებოდეს, ეს არის კონფლიქტების მოგვარება, კონფლიქტი ამ შემთხვევაში შეიძლება გულისხმობდეს ოჯახური კონფლიქტით დაწყებული და სკოლაში თანატოლებთან კონფლიქტებით დამთავრებული. მავნე ჩვევები, მათი შესაძლო შედეგები და ამისგან თავდაცვა, პოლიციის ისტორია, სამართალდამცავი ისნტიტუტების ისტორია და მათი ფუნქციები. ორგანიზებული დანაშაული, როგორც ცალკე თემა, რადგან ეს საქართველოსთვის აქტუალურია და ბავშვები ხშირად არიან ჩათრეულები ამა თუ იმ ფორმით ორგანიზებულ დანაშაულში. გულგრილობა და თანამშრომლობა, როგორც ორი ფენომენი და მათი ავ-კარგიანობის განსჯა, სამართლიანი არჩევანი. ამ სასწავლო საგნის ფარგლებში ჩვენ ვცდილობთ, რომ არამარტო ინფორმაცია მივაწოდოთ ბავშვებს არამედ ვუბიძგოთ და მივეხმაროთ სწორი არჩევანის გაკეთებაში მათი ასაკისთვის დამახასიათებელი დილემების დროს. როგორც თქვენ ბრძანეთ პოლიცილები და პედაგოგები ასწავლიან ამ აგანს. გაიარეს თუ არა სპეციალური მომზადება პოლიციელებმა და აგრეთვე პედაგოგებმა?

- პოლიციელებმა და პედაგოგებმა ერთობლივი მოსამზადებელი კურსი გაიარეს. საერთაშორისო ექსპერტების ჩართულობით და ადგილობრივი არასამთავრობო ორგანიზაციებიც გვეხმარებოდნენ თავიანთი პროფილების მიხედვით, პოლიციელებისთვის უფრო ხანგრძლივი კურსი იყო, რადგან მათთვის პედაგოგიური უნარ ჩვევები ახალი იყო და მისი ათვისებაც უწევდათ. თუმცა პროექტის შეფასების დროს გამოჩნდა, რომ მასწავლებლებისთვის უფრო რთული აღმოჩნდა ეს პროცესი, ვინაიდან პოლიციელებისთვის ეს ახალი იყო, ენთუზიაზმიც მეტი იყო და ინტერესიც. მასწავლებლები თავიდან ოდნავ შებოჭილები იყვნენ ამ ახალი ელემენტის, თანამასწავლებლის გამოჩენით. თუმცა სასწავლო პროცესმა შემდეგ აჩვენა რომ ძალიან ეფექტურია, ორივე მასწავლებელი და პოლიციელი ერთნაირად იყო ჩართული და მათმა ერთობლიობამ კარგი შედეგი გამოიღო. მე აქ მოვიშველიებ უბრალოდ პროექტის პირველი ფაზის შედეგებს, რომელიც შარშან დამთავრდა. საწყისს ეტაპზე ამ საპილოტე სკოლებში მოსწავლეების 30%-ს უარყოფითი დამოკიდებულება ჰქონდათ ამ საგნის მიმართ, ბავშვების 60%-მდე ნაწილს ჰქონდა წინასწარი განწყობა პოლიციის მიმართ, როგორც დამსჯელი ორგანოს მიმართ და გარკვეული სიფრთხილე არსებობდა პირველ გაკვეთილებზე. წლის ბოლოს აბსოლუტურად შეიცვალა სურათი, ყველა ბავშვი რომელიც ჩართული იყო ამ პროექტში თვლის, რომ ძალიან ბევრი რამ მიიღეს ამ საგნიდან. მასწავლებლების და დირექტორების სრული უმრავლესობაც კმაყოფილი იყო და მართალი რო გითხრათ ძალიან დიდი მოთხოვნილება იყო სკოლებიდან, რომ ისინიც მომავალ წელს ჩართულიყვნენ ამ საპილოტო სკოლაში. სკოლების ბევრად უფრო დიდ რაოდენობას უნდოდა ამ პროექტში მონაწილეობის მიღება, მაგრამ სამწუხაროდ ამ წელს 40 სკოლას ვერ გაცდა. - ესეთ დეტალებს აქვს ხოლმე მნიშვნელობა, ამ შემთხვევაში მე მაინტერესებს, პოლიციელი ფორმით შედის კლასში და ისე ატარებს გაკვეთილს?

-პოლიციელები, რომლებიც ამ გაკვეთილებს ატარებენ არიან უბნის ინსპექტორები და ისინი ფორმაში არიან წარმოდგენილნი. ეს ერთ-ერთი პროგრამაა, რომელიც გაკვეთილების სახით ტარდება სკოლებში. მაგრამ არის კიდევ ერთი პროექტი, რომელსაც "უსაფრთხო სკოლა" ქვია და ოდნავ განსხვავებული ხასიათისაა. ჩვენ ვეცდებით მომავალში დეტალურად გავიგოთ, რაში მდგოამრეობს ყველა ის პროგრამა, რომელსაც განათლების სამინისტრო და შინაგან საქმეთა სამინისტრო ერთობლივად ახორციელებს სკოლებში.