ფხენიანი ომით იმუქრება იმ შემთხვევაში,თუ ამერიკელები და სამხრეთ კორეელები შეეცდებიან, ხელი შეუშალონ ორბიტაზე ჩრდილო-კორეული თანამგზავრის გაყვანას. დღეს შეერთებული შტატებისა და სამხრეთ კორეის სამხედროებმა ყოველწლიური ერთობლივი წვრთნა დაიწყეს.
ფხენიანი აცხადებს, რომ მისი თანამგზავრის ჩამოგდების ყოველგვარი მცდელობა ომის დაწყების საწინდარი იქნება. ფხენიანმა წვრთნას სახიფათო პროვოკაცია უწოდა. ჩრდილოეთ კორეა ათწლეულების განმავლობაში, გეგმაზომიერად მიმდინარე სამხედრო წვრთნებს ყოველთვის დაუზარელად აკრიტიკებს.
