ავღანეთის საარჩევნო კომისიამ ოფიციალურად გაავრცელა ინფორმაცია იმის შესახებ, რომ პრეზიდენტ ჰამიდ კარზაის თხოვნის მიუხედავად , საპრეზიდენტო არჩევნები ავღანეთში 20 აგვისტოს ჩატარდება.
შეგახსენებთ,რომ პრეზიდენტ კარზაიმ ავღანეთის საარჩევნო კომისიას სთხოვა, არჩევნები აგვისტოდან აპრილის თვეში გადმოეტანათ - ვიდრე მაისში მისი საპრეზიდენტო ვადა ამოიწურებოდა.
საარჩევნო კომისიის განცხადებით, არჩევნების ჩატარება გაზაფხულზე ცუდი ამინდების და უსაფრთხოების საკითხების გამო შეუძლებელია .
დღეს ავღანეთის შინაგან საქმეთა მინისტრმა ჰანიფ ატმარიმ ოფიციალურად განაცხადა ,რომ ავღანური პოლიცია ყველა ღონეს იხმარს იმისთვის,რომ ქვეყანაში არჩევნები დაცულ გარემოში ჩატარდეს.თუმცა ისიც აღნიშნა,რომ თალიბი მეამბოხეები ეცდებიან,რომ არჩევნები ჩაშალონ.