ბმულები ხელმისაწვდომობისთვის

ეიჩ დი ანუ მაღალი ხარისხის ტიპის დისკი


“ბლუ რეი” მაღალი ხარისხის ვიდეო კომპაქტ დისკი ტექნოლოგიურ ომში გამარჯვებული გამოდის. ეიჩ დი ანუ მაღალი ხარისხის ტიპის დისკის მთავარმა მხარდამჭერმა ტოშიბას კორპორაციამ განაცხადა, რომ სრბოლას ეთიშება:

“თუ ჩვენ ეიჩ დი ტიპის დისკების წარმოებას გავაგრძელებთ, ეს ჩვენს ბიზნესს ზიანს მიაყენებს. ჩვენ აგრეთვე ვიფიქრეთ იმაზე, რომ მომავალი თაობის ორი ვიდეო დისკის სტანდარტის ქიშპობა მსოფლიო ბაზარზე მომხმარებელზე ნეგატიურად იმოქმედებს და გადავწყვიტეთ, რომ შევწყვიტოთ ეიჩ დი სახის დისკების წარმოება”. განაცხადა ტოშიბას კორპორაციის პრეზიდენტმა აცუტოში ნიშიდამ.

ტოშიბა გააგრძელებს ეიჩ დი დისკების სისტემის დაახლოებით მილიონი მფლობელისთვის ტექნიკური დახმარების აღმოჩენას, მაგრამ თავად სიტემის წარმოებას მომავალ თვეს შეწყვეტს.

ტოშიბას პრეზიდენტი ამბობს, რომ მართალია მას ჯერ კიდევ სჯერა, რომ ეიჩ დი ფორმატი ბევრად უკეთესია, მაგრამ კომპანიას არჩევანი აღარ გააჩნია მას შემდეგ, რაც კინოკომპანია “უორნერ ბრადერსი” შეუერთდა იმ კინოსტუდიათა სულ უფრო მზარდ რიცხვს, რომლებიც ახალ კინოფილმებს ექსკლუზიურად მხოლოდ “ბლუ რეის” ტიპის დისკებზე წერენ:

“უორნერ ბრადერსმა, რომელსაც ეიჩ დი სისტემის ხმარების კონტრაქტზე აქვს ხელი მოწერილი, მოულოდნელად გეზი შეცვალა. ხოლო ამ ნაბიჯმა კი სამწუხაროდ მკვეთრად შეცვალა ბაზრის მდგომარეობა”. ამბობს ტოშიბას კორპორაციის პრეზიდენტი აცუტოში ნიშიდა.

ექსპერტები თვლიან, რომ ეიჩ დი სისტემის ბედზე, აგრეთვე დიდი ასეთი ნაწარმის გამყიდველი მაღაზიების დამოკიდებულებამაც იმოქმედა. მაღაზიები “ბლოკბასტერი”, “ბესტ ბაი” და “უოლმარტი” სონის კორპორაციის პი ეს სამის ტიპის სისტემის გაყიდვას არჩევენ, რომელიც ბლუ რეის სახის დისკებისთვისაა გათვლილი. 2006 წლიდან მოყოლებული დღემდე სონიმ უკვე ათ მილიონზე მეტი პი ეს სამის ტიპის სისტემა გაყიდა.

XS
SM
MD
LG