საერთაშორისო სავალუტო ფონდის პროგნოზით, ირანის ეკონომიკა წელს 6%-ით შემცირდება. მთავარი მიზეზი შეერთებული შტატების მიერ დაწესებული ეკონომიკური სანქციებია.
ფონდის მიერ დღეს გამოცემული ანგარიშის მიხედვით, ირანში ინფლაცია წელს სავარაუდოდ, 40%-ით გაიზრდება. ვაშინგტონის გადაწყვეტილებით, ხუთშაბათს ვადა ამოეწურება ირანზე შეერთებული შტატების მიერ დაწესებული სანქციების შეღავათებს, რომლითაც 8 ქვეყანა სარგებლობდა: ჩინეთი, ინდოეთი, იაპონია, სამხრეთ კორეა, ტაივანი, თურქეთი, იტალია და საბერძნეთი.
სანქციები გასული წლის ნოემბერში ამერიკის შეერთებული შტატების პრეზიდენტმა დონალდ ტრამპმა, ერთპიროვნულად განაახლა. მანამდე, ბირთვული პროგრამების განვითარების გამო, საერთაშორისო სანქციები ხანგრძლივი მოლაპარაკებების შემდეგ, 2015 წლის შეთანხმებით გაუქმდა.
Facebook Forum