ბმულები ხელმისაწვდომობისთვის

ამერიკა ქალებისთვის ყველაზე საშიში ქვეყნების ათეულში მოხვდა


ქალებზე ძალადობის წინააღმდეგ მოწყობილი აქციის მონაწილე ინდოეთში

ქალებისთვის საცხოვრებლად ყველაზე საშიშ სახელმწიფოებს შორის, დასავლეთის ქვეყნებიდან მარტო შეერთებული შტატები მოხვდა. დღეს გამოქვეყნებულ “ტომსონ-როიტერის ფონდის” გამოკითხვაში ამერიკა მე-10 ადგილზეა, სექსუალური ძალადობის მხრივ კი სირიასთან ერთად მე-3 ადგილს ინაწილებს.

გამოკითხული ექსპერტების აზრით, ყველაზე საშიში ქვეყანა ინდოეთია. მეორე ადგილზეა ავღანეთი, მესამეზე - სირია. შემდეგ მოდიან: სომალი (4), საუდის არაბეთი (5), პაკისტანი (6), კონგო (7), იემენი (8), ნიგერია (9) და ამერიკის შეერთებული შტატები (10).

მსგავსი გამოკითხვა 2011 წლის შემდეგ არ ჩატარებულა. ბრიტანულმა ორგანიზაციამ “ტომსონ-როიტერის ფონდმა” ქალების საკითხების ცნობილი ექსპერტებიდან 550 გამოკითხა.

ექსპერტებს სთხოვეს, გაეროს წევრი 193 სახელმწიფოდან ქალებისთვის ყველაზე სახიფათო ქვეყნები დაესახელებინათ. მთავარი კრიტერიუმები იყო: ჯანდაცვა, ეკონომიკური რესურსები, ტრადიციული საქმიანობა, სექსუალური, თუ არასექსუალური ძალადობა და ტრეფიკინგი.

ქალებისთვის საცხოვრებლად ყველაზე საშიში მეგაპოლისების სია ასე გამოიყურება:

  1. ქაირო
  2. ყარაჩი
  3. კინშასა
  4. დელი
  5. ლიმა
  6. მეხიკო
  7. დაკა
  8. ლაგოსი
  9. ჯაკარტა
  10. სტამბოლი
  11. სან-პაულო
  12. ბუენოს-აირესი
  13. ნიუ-იორკი
  14. მანილა
  15. შანხაი
  16. მოსკოვი
  17. პარიზი
  18. ტოკიო
  19. ლონდონი

Facebook Forum

XS
SM
MD
LG