ბმულები ხელმისაწვდომობისთვის

5 500 $ ჯარიმა კორონავირუსზე ინფორმაციის გავრცელებისთვის - ახალი შეზღუდვა საამიროებში


არაბთა გაერთიანებულ საემიროებში ყველა იმ მოქალაქეს, ვინც კორონავირუსთან დაკავშირებით სახელმწიფოს ოფიციალური განცხადებებისგან განსხვავებულ სამედიცინო ინფორმაციას გაავრცელებს, 20 000 დირჰემით, ანუ 5 500 $-ით დააჯარიმებენ. ამის შესახებ ქვეყნის სახელმწიფო საინფორმაციო სააგენტო იტყობინება.

ოფიციალური განცხადების თანახმად, ეს ნაბიჯი დეზინფორმაციისა და ჭორების გავრცელებისთვის ხელის შესაშლელად გადადგა, ქვეყანაში კი ამ დროისთვის ვირუსით ინფიცირების 6 300-ზე მეტი და გარდაცვალების 37 შემთხვევაა დაფიქსირებული.

"აკრძალულია ნებისმიერი კერძო პირისთვის გამოქვეყნება, უკვე გამოქვეყნებულის თავიდან გამოქვეყნება/გაზიარება ან ისეთი სამედიცინო ინფორმაციის თუ მითითების გავრცელება, რომელიც არის ყალბი, შეცდომაში შემყვანი ან რომლის შესახებაც ოფიციალური განცხადება არ გაკეთებულა. ეს ეხება ბეჭდურ, აუდიო-ვიდეო თუ სოციალურ მედიას, ონლაინ ვებგვერდებსა და ინფორმაციის გავრცელების სხვა ნებისმიერ საშუალებას", - აცხადებს სახელმწიფო საინფორმაციო სააგენტო მთავრობის მითითების განმარტებისას.

თუმცა, განცხადებაში მხოლოდ "კერძო პირებზეა" საუბარი და ქვეყნის ხელისუფლებას არ განუმარტავს ეხება თუ არა იგივე შეზღუდვა ჟურნალისტებსა და მედიაში დასაქმებულ ადამიანებს.

Facebook Forum

XS
SM
MD
LG