სამხრეთ სუდანის დედაქალაქ ჯუბაში ათასობით ადამინი შეიკრიბა დამოუკიდებლობის აღსანიშნავად. სამხრეთ სუდანი პარასაკევს შუაღამეს მსოფლიოს უახლეს სახელმწიფოდ ოფიციალურად გამოცხადდა. რასაც მოსახლეობა ქუჩაში სიმღერებითა და ცეკვით შეხვდა.
გაეროს გენერალური მდივანი ბან კი მუნი, აფრიკის 30 ქვეყნის პრეზიდენტთან ერთად საზეიმო ცერემონიალს დაესწრება, რომელიც ჯუბას ცენტრალურ სტადიონზე გაიმართება. ცერემონიალში მონაწილეობას მიიღებს აგრეთვე სუდანის პრეზიდენტი ომარ ალ ბაშირიც.
დამოუკიდებლობის მინიჭება იანვარში რეფერენდუმის შედეგად გადაწყდა, მოსხლეობის უდიდესმა ნაწილმა სამხრეთ სუდანის, როგორც დამოუკიდებელი ქვეყნის ჩამოყალიბებას უყარა კენჭი.
