აფეთქება ვოლგოგრადში

რუსეთის სამხრეთში აფეთქება მოხდა. ქალაქ ვოლგოგრადში სამგზავრო ავტობუსზე მომხდარ ინციდენტში 6 ადამიანი დაიღუპა და სულ მცირე, 20 დაიჭრა.

რუსეთის ეროვნული ანტიტერორისტული კომიტეტის მიერ გავრცელებული განცხადების მიხედვით, დღეს მომხდარი აფეთქება ბომბით იყო გამოწვეული. საინფორმაციო სააგენტოებმა კი თავდაპირველ ინფორმაციაში, დაასახელეს რა წყაროდ ადგილობრივი ოფიციალური პირები, გადასცეს, რომ აფეთქება ავტობუსზე გაზის აპარატმა გამოიწვია.